एलिना चौहानले सञ्‍चारमाध्यमलाई भनिनः यो पत्रकारिताको धर्मले मलाई कति असर गरेको छ ?

काठमाडौँ- गायिका एलिना चौहानले आफ्ना व्यक्तिगत जीवन गोप्य राख्ने अधिकार आफूसँग मात्र भएको धारणा राखेकी छन् । केही दिन यता सञ्चारमाध्यममा उनको प्रेमसम्बन्ध वियोगमा परिणत भएको समाचार आएपछि उनले सञ्चारमाध्यमले आफूलाई मानसिक तनाव दिएको दाबी गरेकी छिन्।

‘के कसैले मलाई सोधेर यो समाचार बनाएको हो ? के कसैलाई मैले बनाउन लगाएको हो ?’ उनले सामाजिक सञ्‍जालमा लेख्दै भनेकी छिन् । उनले सामान्य गफ गरेको भरमा आफूलाई नसोधी आफ्नो इच्छाबिना समाचार बनाएको प्रति रोष प्रकट गरिन्।

---

उनले आफ्नाबारे समाचार लेख्नुभन्दा समाजका बारेमा सञ्चारकर्मीहरूले कलम चलाइदिँदा सभ्य समाजको निर्माण हुने भएकाले तेता तर्फ ध्यान दिन आग्रह गरेकी छिन् ।

'म कहाँ छु, कुन स्थितिमा छु, के गर्दै छु, कति तयार छु यी सबै कुराको लागी , यो सामान्य कुरा त हजुरहरूले सोचिदिनु भएको भए हुने । मलाई यस्तो कुरा बाहिर ल्याउनु थियो भने म आफै सहि समयमा ल्याउने थिए यसरी हजुरहरूले खोजी पत्रकारिता गरेर समय वर्वाद गर्नु पर्थेन । थाहा छ हजुरको यो पत्रकारिताको धर्मले मलाई कति असर गरेको छ ? अनुमान लगाउन सक्नु हुन्छ यसले मेरो मानसपटलमा कति हानि पुर्‍याएको छ ?,' उनले प्रश्‍न गर्दै भनेकी छन् ।