अजरबैजानबाट आज साँझ स्वदेश फर्कदै सभामुख सापकोटा
असार १९, २०७९
काठमाडौँ - सभामुख अग्निप्रसाद सापकोटा अजरबैजानको राजधानी बाकुबाट आज स्वदेश फर्किदैछन् ।
नेपाली संसदीय प्रतिनिधिमण्डलको बाकुमा सम्पन्न ‘असंलग्न आन्दोलनको संसदीय सञ्जाल’को सम्मेलनमा सहभागी भएर सभामुख सापकोटासहितको टोली आज साँझ ७ः१५ बजे स्वदेश फर्कन लागेको सभामुखको सचिवालयले जानकारी दिएको छ ।
भ्रमणबारे सापकोटाले आज साँझै त्रिभुवन विमानस्थलमा सञ्चारकर्मीहरूलाई जानकारी दिनेछन् ।
