सुदूरपश्चिम

कर्मचारीमा कोरोना देखिएपछि मेलौली नगरपालिकाको सेवा बन्द

इकागज | माघ १४, २०७८

बैतडी : कर्मचारीमा कोरोना सङ्क्रमण देखिएपछि बैतडीको मेलौली नगरपालिकाका सेवा बन्द गरिएका छन् ।  नगरपालिकामा कार्यरत पाँच कर्मचारीमा कोरोना देखिएपछि आजदेखि अत्यावश्यक बाहेकका सबै सेवा बन्द गरिएका हुन्  ।
 
नगरपालिकाका निमित्त प्रमुख प्रशासकीय अधिकृत सपना कार्कीका अनुसार अर्को सूचना जारी नभएसम्मका लागि अत्यावश्यक बाहेकका सेवा बन्द गरिएका हुन् । एन्टिजेन विधिमार्फत कोरोना परीक्षण गरिँदा नगरपालिकामा कार्यरत पाँच कर्मचारीमा सङ्क्रमण पुष्टि भएको हो । यसअघि मेलौली नगरपालिकास्थित केशरपुर प्राथमिक स्वास्थ्य केन्द्रमा कार्यरत चार कर्मचारीमा कोरोना पुष्टि भएपछि अत्यावश्यक बाहेकको सेवा बन्द गरिएको थियो । 

बैतडी जिल्ला अदालतले पनि कर्मचारीमा कोरोना देखिएपछि यही माघ १८ गतेसम्मका लागि अत्यावश्यक बाहेकका सबै सेवा बन्द गरेको छ । यसैबीच जिल्ला अस्पताल बैतडीमा तत्कालका लागि दन्त सेवा बन्द गरिएको छ । दन्त सेवा विभागमा कार्यरत चिकित्सक र स्वास्थ्यकर्मीमा कोरोना पुष्टि भएकाले अर्को सूचना जारी नभएसम्मका लागि दन्त सेवा बन्द भएको अस्पतालले जनाएको छ  ।
 
कोरोना भाइरसको सङ्क्रमण तीव्र गतिमा फैलिन थालेकाले स्वास्थ्यका मापदण्ड अपनाउन आग्रह गरिएको छ । भारतसँग सीमा जोडिएको जिल्लामा हालसम्म कोरोना सङ्क्रमणका कारण १९ जनाको मृत्यु भइसकेको छ । रासस 

सुदूरपश्चिमबाट जगत पार्की राष्ट्रिय सभा सदस्यमा निर्वाचित

इकागज | माघ १२, २०७८

कैलाली - राष्ट्रियसभा सदस्यमा आज भएको निर्वाचनमा सुदूरपश्चिमबाट जगत पार्की विजयी भएका छन् । सत्ता गठबन्धनमा …

गुणस्तरहीन निर्माण सामग्रीको प्रयोग गरी बनाइएको ड्रेन वडाध्यक्षले भत्काए

इकागज | माघ ११, २०७८

कञ्चनपुर - शुक्लाफाँटा नगरपालिका–८ बेलडाँँडीमा गुणस्तरहीन सामग्रीको प्रयोग गरी ड्रेन निर्माण गर…

सामाजिक विकास मन्त्रालयका कर्मचारीमा कोभिड संक्रमणपछि अत्यावश्यक बाहेकका सेवा बन्द

इकागज | माघ ९, २०७८

कैलाली - सुदूरपश्चिम प्रदेशको सामाजिक विकास मन्त्रालयले कर्मचारीमा कोभिड-१९ संक्रमण देखिएपछि अत्यावश्यक बाह…

सुदूरपश्चिमाञ्चल क्याम्पस र दक्षिण कोरियाको केयू विश्वविद्यालयबीच सहकार्य

इकागज | माघ ९, २०७८

कैलाली - धनगढीस्थित सुदूरपश्चिमाञ्चल क्याम्पस (एसपिए) ले दक्षिण कोरियामा रहेको केयू विश्वविद्यालयसँग सहकार्य…