सुदूरपश्चिम

सुदूरपश्‍चिम प्रदेश सभाको बैठक तेस्रो पटक स्थगित

इकागज | असार १२, २०७९

कैलाली- सुदूरपश्‍चिम प्रदेश सभाको बैठक तेस्राे पटक स्थगित भएको छ । प्रदेश सभामा बजेट प्रस्तुत भएको झन्डै दुई सातासम्म पनि सत्ता पक्षकै विरोधका कारण बजेटमाथि छलफल सुरू हुन सकेको छैन ।

असार १ गते आर्थिक मामिला तथा योजना मन्त्री प्रकाश रावलले २०७९/०८० को लागि ३६ अर्ब ७४ करोड ६४ लाख ६५ हजारको बजेट प्रस्तुत गरेका थिए । असार १ गते प्रस्तुत भएको बजेटमाथि असार ८ गते प्रदेश सभामा छलफल हुने कार्यसूची रहेको थियो । तर, सत्ता पक्ष र विपक्षबाटै विरोधपछि ८ गते प्रदेश सभा बैठक नै नबसी १२ गतेका लागि बैठक आह्वान गरिएको थियो ।

१२ गते दिउँसो ३ बजे बस्‍ने भनिएको बैठक पनि आज नबस्‍ने भएको छ । सरकारले १२ गतेको बैठक १६ गतेसम्म सारिदिन सभामुख अर्जुनबहादुर थापालाई आग्रह गरेपछि बैठक १६ गतेसम्म सारिएको प्रदेश सभा सचिवालयले जानकारी दिएको छ । 

सरकारको तर्फबाट प्रदेश अर्थमन्त्री रावलले नै सभामुख थापालाई फोन गरेर बैठक सारिदिन आग्रह गरेका थिए । यसअघि ८ गते कार्य व्यवस्था परामर्श समितिको बैठकबाट बैठक स्थगित गरिएको भए पनि आज परामर्श समितिको बैठक नबसी स्थगित गरिएको हो ।

बैठकमा अर्थमन्त्री नै नरहने अवस्था आएपछि बैठक स्थगित गरिएको प्रदेश सभा सचिवालयले जनाएको छ । प्रदेश अर्थमन्त्री रावल अहिले नेकपा एकीकृत समाजवादीको बैठकमा सहभागी हुन काठमाडौँ पुगेका छन् ।

मन्त्री आलेले गरे धनगढी विमानस्थलको स्तरोन्नति कार्यको शिलान्यास

इकागज | असार ११, २०७९

कैलाली- कैलालीको धनगढी विमानस्थलको स्तरोन्नति कार्यको संस्कृति पर्यटन तथा नागरिक उड्डयन मन्त्री प्रेमबहादुर...

हामी संसदवादी हुने कुरा मेरो जीवनकालमा असम्भव : विप्लव

इकागज | असार १०, २०७९

कैलाली- नेपाल कम्युनिस्ट पार्टीका महासचिव नेत्र विक्रम चन्द विप्लवले अहिलेको राष्ट्रिय अन्तर्राष्ट्रिय परिस्थित...

केपी ओलीलाई गाली गरेको भन्दै एमाले कैलाली अध्यक्षलाई कारबाही गर्न सिफारिस

इकागज | असार १०, २०७९

धनगढी- नेकपा एमाले कैलालीका अध्यक्ष रतन थापालाई कारबाही गर्न सिफारिस गरिएको छ । बिहीबार बसेको सचि...

ठेकेदार र कर्मचारीको मिलेमतोमा दुई करोड बढी अनियमितताको आशंका

इकागज | असार ८, २०७९

बैतडी- दार्चुलाको शैल्यशिखर नगरपालिकाले आर्थिक वर्ष ०७८/०७९ मा दुई करोडभन्दा बढीको आर्थिक अनियमितता गरे...