विश्व

श्रीलंकामा हजारौं मानिसहरू द्वन्द्वका कारण बेपत्ता : एम्‍नेस्‍टी इन्टरनेसनल

इकागज |
साउन २१, २०७८ २०:३९ बजे

काठमाडौँ - दशकौँकाे द्वन्द्व र त्यसपछिका अवस्थालाई नियाल्दा श्रीलंकामा हजारौं मानिसहरू द्वन्द्वका कारण ‘वेपत्ता’ भएका एम्‍नेस्‍टी इन्टरनेसनलले बिहीबार सार्वजनिक गरेको तथ्यांकमा उल्लेख छ । एम्‍नेस्‍टीले श्रीलंकामा द्वन्द्वका कारण बेपत्ता भएकाहरुको बारेमा त्यहाँको सरकार जिम्मेवार होस भनेर लगातार खवरदारी गरिरहेको छ ।

श्रीलंकाको महान्यायाधिवक्ताको कार्यालयले बुधबार ११ तमिल युवाहरूको सन् २००८ र २००९ मा भएको अपहरणमा पूर्व नौसैनिक कमान्डर वसन्ता करणागोडाविरुद्ध उनको कथित भूमिकामाथि आरोप नलगाउने निर्णय गरेपछि अन्तर्राष्ट्रिय विश्वव्यापी मानव अधिकार निकायले यो बताएको हो । 


‘नाभी ११’ नाम दिइएको उक्त घटनामा सुरक्षाकर्मीले उनीहरूलाई नियन्त्रण रहेको समय वेपत्ता पारिएको थियो । यसको पछाडि श्रीलंकाको नौसेना रहेको आरोप लागेको छ । ‘नाभी ११’ ले सन् २००८–२००९ मा ११ तमिल युवाहरूलाई जबरजस्ती बेपत्ता पारिएको कुरालाई जनाउँछ । 

तमिल युवाको अपहरणमा श्रीलंकाको नौसेनाका अधिकारीहरूको प्रत्यक्ष सम्लग्नता रहेको पीडितका आफन्तजनले जनाएका छन् । ‘श्रीलंकामा दशकौंको द्वन्द्वको दौरानमा हजारौं मानिसहरू बेपत्ता पारिएका छन् । यो विश्वकै दोस्रो सबैभन्दा बढी वेपत्ता पारिएको घटना मान्न सकिन्छ,’  एम्‍नेस्‍टी इन्टरनेशनलको एशिया–प्रशान्त निर्देशक यामिनी मिश्राले भने, ‘यो मुद्दा श्रीलंकाका अधिकारीहरूका लागि अन्तरराष्ट्रिय कानूनअन्तर्गत अपराधका लागि न्याय प्रदान गर्ने अवसर थियो । यसले सहायता र सहयोगका लागि संलग्न व्यक्तिहरू लगायत आपराधिक जिम्मेवारीको शङ्का गरिएकाहरूलाई पुर्पक्षमा ल्याइयो ।’

उक्त मुद्दा श्रीलंकाको अदालतमा अवरोध खडा भइसकेको छ र बिहिबार भएको निर्णयले पीडित परिवारहरूको न्यायलाई उनीहरूको पहुँचभन्दा बाहिर धकेलेको पनि जनाएको छ । महान्यायाधिवक्ताको कार्यालयले यसको निर्णयका कारणहरूको व्याख्या गर्नुपर्छ र श्रीलंकाका अधिकारीहरूले जबरजस्ती अदृश्यताका सबै पीडितहरूका लागि सत्य, न्याय र क्षतिपूर्ति प्रदान गर्नुपर्छ,’ उनले भने। 

मानव अधिकार समूहका अनुसार सन् २०१८ को अगस्टमा प्रहरीको फौजदारी अनुसन्धान विभाग ‘सिआइडी’ले मुख्य आरोपीको रुपमा नाभी सम्पथ भनिने लेफ्टिनेन्ट कमाण्डर चन्दनप्रसाद हेट्टियाराची पक्राउ गरेको थियो । सीआईडीले तत्कालीन ‘चिफ डिफेन्स एडमिरल’ रविन्द्र विजेगुनेरत्नेलाई एक मुख्य शंकास्पद व्यक्तिको सुरक्षा गरेको आरोप लगाएको थियो । अदालतले पनि उहाँको गिरफ्तारीको आदेश दिएको एम्‍नेस्‍टीइन्टरनेशनलले बताएको छ । (रासस)



Author

थप समाचार
ad
x