वित्तीय संस्थाको सूचना प्रणाली ह्याक गर्न खोज्ने व्यक्ति पोखराबाट पक्राउ
तस्विरः फाइल फोटो
काठमाडौँ- विभिन्न वित्तीय संस्थाको सूचना प्रणालीमा अनधिकृत पहुँच (ह्याक) पुर्याउन प्रयास गर्ने एक व्यक्तिलाई प्रहरीले पक्राउ गरेको छ ।
प्रहरीको साइबर ब्यूरोले स्याङ्जाको पुतलीबजार नगरपालिका-१४ घर भई पोखरा महानगरपालिका-१७ बस्ने २६ वर्षीय नवराज लामिछानेलाई पक्राउ गरेको हो ।
लामिछानेले पोखरा बसेर काठमाडौँका विभिन्न वित्तीय संस्थाको सूचना प्रणालीमा अनधिकृत पहुँच बनाउन खोजेको साइबर ब्यूरोका प्रवक्ता एसपी दिपकराज अवस्थीले जानकारी दिए ।
उनका अनुसार लामिछानेविरुद्ध विद्युतीय (इलेक्ट्रोनिक) कारोबार ऐन, २०६३ अन्तर्गतको कसूरमा काठमाडौँ जिल्ला अदालतमा मुद्दा दर्ता गरी अनुसन्धान अघि बढाइएको छ ।
Author
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया