पोखरामा आचार्यकै अग्रता, एमालेका थापाभन्दा ३ हजार ४७८ मतले अगाडि
काठमाडौं – पोखरा महानगरपालिका सत्तारुढ गठबन्धनबाट मेयर उम्मेदवार नेकपा एकीकृत समाजवादीका धनराज आचार्यले आफ्नो अग्रता फराकिलो बनाइरहेका छन् । मुख्य निर्वाचन अधिकृत कार्यालयले सार्वजनिक गरेको पछिल्लो विवरणअनुसार आचार्य निकटतम प्रतिद्वन्द्वी नेकपा एमालेका कृष्णबहादुर थापाभन्दा ३ हजार ४ सय ७८ मतले अगाडि छन् ।
हालसम्म गनिएको ८७ हजार २ सय ५७ मतमा आचार्यले ३५ हजार २ सय ६ मत प्राप्त गरेका पहिलो स्थानमा छन् भने थापाले ३१ हजार ७ सय २८ मत प्राप्त गरेर दोस्रो स्थानमा छन् ।
त्यस्तै, राप्रपाका शंकर खराल ३ हजार ९ सय ५२ मतले तेस्रो स्थानमा छन् भने स्वतन्त्र उम्मेदवार खडकराज पौडेल २ हजार ३ सय ५९ मतेले चौथो स्थानमा छन् ।
उपमेयरमा भने एमाले सत्तारुढ गठबन्धनभन्दा अगाडि छ । एमालेकी उपमेयर उम्मेदवार मञ्जुदेवी गुरुङले ३६ हजार २ सय ३६ मत प्राप्त गरेकी छन् भने कांग्रेसकी कोपिला रानाभाट ३५ हजार ६ सय २९ मत ल्याएर गुरुङलाई पछ्याइरहेकी छन् । गुरुङ कांग्रेसकी रानाभाटभन्दा ६ सय ७ मतले अगाडि छिन् ।
त्यस्तै, राप्रपाबाट उपमेयर उम्मेदवार रञ्जना सेन ३ हजार ८ सय २४ मतसहित तेस्रो स्थानमा छिन् ।
गत वैशाखमा सम्पन्न निर्वाचनमा पोखरा महानगरमा १ लाख ४३ हजार २ सय २६ मत खेसेको थियो । २०७४ को निर्वाचनमा पोखराको मेयर एमालेले जितेको थियो ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया