के एनिमल नेटफ्लिक्समा रिलिज हुँदैछ ?

मुम्बई- टाइगर ३ रिलिज भएको २० दिनपछि विक्की कौशलको साम बहादुर र रणवीर कपुरको एनिमल दुई ठूला फिल्म डिसेम्बर १ मा हलमा रिलिज भए । दुवै चलचित्रको बक्स अफिस कलेक्शन राम्रो रहेको छ ।

विक्की कौशलको फिल्मले उनका अघिल्ला फिल्महरूभन्दा बढी कलेक्सन गरेको छ भने रणवीर कपूरको एनिमलले पहिलो दिनको कमाईसँगै १०० करोड नाघेको छ । र आउने हप्ताहरूमा एनिमलले अझै धेरै संकलन हासिल गर्नेछ । यो पनि हेर्न रोचक हुनेछ। 

---

यसैबीच फिल्म रिलिज भएको एक दिन पनि बितेको छैन कि ओटीटी रिलिजसँग सम्बन्धित ठूलो अपडेट आएको छ । क्रिस्टोफर कनागराज नामको एक्स खातामा एनिमलको स्ट्रिमिङ पार्टनर नेटफ्लिक्स रहेको बताइएको छ, जसका कारण नेटफ्लिक्स प्रयोगकर्ताहरूले आगामी दिनमा यो फिल्म हेर्न पाउने दाबी गरिएको छ । यद्यपि यो दाबी हो आधिकारिक भने होइन् । 

तर लियो र जवान, जसको स्ट्रिमिङ पार्टनर नेटफ्लिक्स थियो । यो हालै यस प्लेटफर्ममा रिलिज भएको छ र शीर्ष १० चलचित्रहरूमा समावेश गरिएको छ।

सन्दीप वांगा रेड्डीद्वारा निर्देशित एनिमलमा रणवीर कपूर, अनिल कपूर, रश्मिका मन्दाना र बबी देओल मुख्य भूमिकामा छन् । फिल्मको कथा बाबु र छोराबीचको प्रेममा आधारित छ, जुन निकै गहिरो छ । यो एक्सन फिल्मको बजेट १०० करोड रहेको बताइएको छ, जुन फिल्मले पहिलो दिनमै कमाएको थियो ।