दिनभर तनावग्रस्त बालाजु क्षेत्र यस्ताे देखियाे [फाेटाेफिचर]
यातायात मजदुरको आन्दोलन झनै आक्रामक, ल्होत्से मलभित्र तोडफोड
काठमाडौँ- बालाजु क्षेत्र तनावग्रस्त बनेको छ । ट्राफिक प्रहरीले लागू गरेको सवारी नियमविरुद्ध यातायात मजदुरले प्रदर्शन गरिरहेका हुन् ।
दिउँसोदेखि यस क्षेत्रमा आन्दोलनरत मजदुरले सडकमा टायर बाल्दै प्रदर्शन गरेका छन् । साेही क्रममा उनीहरूले बालाजुमा प्रहरीका दुई वटा भ्यान जलाएका छन् । प्रहरीविरुद्ध आक्रामक रूपमा प्रस्तुत भएका आन्दोलनकारीहरूले भर्खरै अस्थायी प्रहरी बिटमा पनि आगजनी गरेका छन् ।
उनीहरूले पसल तथा मलमा ताेडफाेड पनि गरेका छन् । यातायात मजदुरले भोलिदेखि काठमाडौं उपत्यकाभित्र सार्वजनिक यातायात नचलाउने घोषणा समेत गरेका छन् । यातायात मजदुरले ल्होत्से मलभित्र तोडफोड समेत गरेका छन् ।
