नेकपा एकीकृत समाजवादीको महासचिव बने भुसाल, बेदुराम उपाध्यक्ष

काठमाडौँ - नेकपा (एकीकृत समाजवादी)ले घनश्याम भुसाललाई महासचिव बनाएको छ । आज बसेको सचिवालयको बैठकले भुसाललाई महासचिव बनाउने निर्णय गरेको उपमहासचिव गंगालाल तुलाधरले जानकारी दिए ।

उनका अनुसार यसअघिका महासचिव बेदुराम भुसाललाई उपाध्यक्ष मनोनयन गरिएको छ । 

---

एमाले छाडेर स्वतन्त्र लडेका भुसाल चुनावमा पराजित भएपछि एकीकृत समाजवादीमा लागेका थिए ।

बैठकले ४ उपाध्यक्ष घनेन्द्र बस्नेत, केदार न्यौपाने, धर्मनाथ साह र केशवलाल श्रेष्ठलाई केन्द्रीय सचिवालय सदस्यमा मनोनित गरेको पनि बताए । 

केन्द्रीय सचिवालय सदस्यको संख्या १९ पुर्‍याइएको उनले बताए । पार्टीले सरकारलाई विश्वासको मत दिने निर्णय गरेको र आजबाट सत्ता पक्षको कुर्सीमा बस्ने निर्णय गरेको पनि बताए ।