चिनियाँ राजदूतलाई फिर्ता पठाउन लोसपाको माग

सुभाष कर्ण | भदौ २२, २०८०

जनकपुरधाम- सत्ता गठबन्धनका घटक दल लोकतान्त्रिक समाजवादी पार्टी (लोसपा) ले गैर कूटनैतिक अभिव्यक्ति दिएको भन्दै नेपालले चिनियाँ राजदूत छन् सोङलाई फिर्ता पठाउन माग गरेकाे छ ।

शुक्रबार जनकपुरधाम उपमहानगरमा लोसपाका अगुवा कार्यकर्ताहरूले चीनविरुद्ध विरोध प्रदर्शन गर्दै चिनियाँ राजदूतलाई फिर्ता पठाउन माग गरेका हुन् । चीनविरुद्धको विरोध जुलुस उपमहानगरको नगर परिक्रमा गर्दै जनक चोकमा पुगी कोणसभामा परिणत भएको थियो । 

लोसपा मधेश प्रदेशका अध्यक्ष समेत रहेका सोनलले नेपाल–भारतको सांस्कृतिक आर्थिक सम्बन्ध लगायतको विषयमा चिनियाँ राजदूत सोङले गरेको टिप्पणी कूटनीति मर्यादाविपरीत रहेको टिप्पणी गर्दै एउटा सार्वभौमसत्ता सम्पन्न मुलुकको बारेमा यस्तो अभिव्यक्ति दिनु हेपाहा प्रवृत्ति रहेकाले घोर भर्त्सनायोग्य रहेको बताए । 

कोण सभालाई सम्बोधन गर्दै मधेश प्रदेश सरकारका पूर्वमन्त्रीसमेत रहेका लोसपा मधेश प्रदेश अध्यक्ष सोनलले राजदूत सोङलाई अविलम्ब स्पष्टीकरण सोध्नुपर्ने भन्दै सम्बन्धित निकायले चीन सरकारसँग पहल गरी राजदूत सोङलाई नसिहत दिई अविलम्ब फिर्ता पठाउन सरकारसँग माग गरे ।

यस्तै पूर्व प्रदेश सांसद परमेश्वर साहले भने, 'विदेशी राजदूतले सार्वभौम सम्पन्न गौरवशाली इतिहास बोकेको राज्य नेपालको अखण्डता र स्वतन्त्रताको गरिमामाथि हस्तक्षेपकारी अभिव्यक्ति दिएकाले यस्ता राजदूतलाई अविलम्ब फिर्ता पठाउनुपर्छ ।'

यसैबीच लोसपाको विद्यार्थी संगठन लोकतान्त्रिक विद्यार्थी संघले चिनिया राजदूतको अभिव्यक्ति नेपालको आन्तरिक मामिलामा हस्तक्षेप रहेको बताएको छ । संघका अध्यक्ष रोशनकुमार मिश्रले एक विज्ञप्ति जारी गर्दै चिनियाँ राजदूतको अभिव्यक्ति नेपालको अखण्डतामाथि प्रहार गरेकाले उनलाई फिर्ता पठाउन माग गरेका हुन् । उनले जारी गरेको विज्ञप्तिमा चिनियाँ हस्तक्षेप हामीलाई स्वीकार्य नरहेको बताएका छन् ।

बर्दिबासकाे एक कलेजमा अज्ञात राेगले बिरामी हुने विद्यार्थीकाे संख्या ८० नाघ्याे

इकागज | भदौ २१, २०८०

महोत्तरी। अज्ञात रोगका कारण प्राकृतिक स्रोत व्यवस्थापन कलेज बर्दिबासमा एक साथ बिरामी पर्नेकाे संख्या ८० ना...

कांग्रेस सहमहामन्त्रीमाथि आक्रमण गर्नेलाई कडा कारवाही होस् : मुख्यमन्त्री यादव

इकागज | भदौ २०, २०८०

जनकपुरधाम - कांग्रेस सहमहामन्त्री महेन्द्र यादवमाथि भएको घटनाको भत्र्सना गर्दै मधेश प्रदेशका मुख्...

सहमहामन्त्री यादवमाथि आक्रमणविरुद्ध धनुषामा चक्काजाम, गृहमन्त्रीको राजीनामा माग

सुभाष कर्ण | भदौ २०, २०८०

जनकपुरधाम - नेपाली कांग्रेसका सहमहामन्त्री महेन्द्र यादवमाथि भएको साँघातिक आक्रमण विरुद्ध मधेश प्रदे...

मधेस प्रदेश सरकारले प्रशासनिक भवन बनाउँदै, ‘जनक दरबार’ नामाकरण गरिने

इकागज | भदौ २०, २०८०

काठमाडौँ - मधेस प्रदेशका मुख्यमन्त्री सरोजकुमार यादवले मधेस सरकारको मन्त्रालयहरू र मन्त्रीहरूको लागि आवास...