रोग र उपचार

आँखा रातो हुने 'भाइरल कन्जक्टिभाइटिस ' यसबाट सुरक्षित रहन के गर्नुपर्छ ?

इकागज | साउन २३, २०८०

काठमाडौँ- केही दिनयता काठमाडौँ उपत्यका लगायत विभिन्न स्थानका मानिसमा आँखा पाक्ने समस्या देखिन थालेको छ । अर्थात धेरै मानिसलाई आँखा रातो हुने समस्याले सताउन थालेको छ ।

बोलिचालीको भाषामा आँखा पाक्ने रोग भने पनि यसलाई भाइरल कन्जक्टिभाइटिस पनि भनिन्छ । यो समस्या सबै उमेर समूहका मानिसमा देखा पर्छ ।

बालबालिकादेखि ज्येष्ठ नागरिकसम्ममा यो रोग देखा परेको छ । यो एक व्यक्तिबाट अर्को व्यक्तिमा सहजै सर्न सक्छ । आँखा पाक्ने समस्या देखा परेमा आत्तिन नहुने स्वास्थ्य मन्त्रालयले जनाएको छ । एक-दुई हप्तामा आफैँ निको हुने पनि प्रस्ट पारेको छ । स्वास्थ्यकर्मीको सल्लाहबिना जथाभावी औषधि प्रयोग नगर्न सुझाव दिएको छ ।

आँखा पाक्ने समस्या देखा परेपछि मुख्यगरि आँखा रातो हुने र चिलाउने लक्षण देखा पर्छ । आँसु बगिरहने, कचेरा वा चिप्रा लाग्ने गर्छ । आँखाको ढकनी रातो र सुन्निने गर्छ । आँखा बिझाउने र दुख्ने गर्छ । घाम वा उज्यालोमा हेर्न गाह्रो हुने गर्छ ।

यसबाट सुरक्षित रहन संक्रमित व्यक्तिको नजिक नजाने र संक्रमित भीडभाड भएको ठाउँमा जान हुँदैन । संक्रमित व्यक्तिले प्रयोग गरेको सामग्री टावेल, रुमाल र साबुन प्रयोग गर्नु हुँदैन । जथाभावी आँखा छुन हुँदैन । आँखा छुनु परेमा छुनु वा छोइसकेपछि साबुन पानीले मिचिमिचि राम्रोसँग हात धुने गर्नुपर्छ । व्यक्तिगत सरसफाइमा ध्यान दिनुपर्छ ।

घरमा आफैँ होशियारीसाथ स्याहार गरेमा एक-दुई सातामा यो रोग निको हुने गर्छ । बरफले आँखा सेक्दा आँखा बन्द गरेर वा सफा रुमालमा राखेर सेक्ने गर्नुपर्छ । आँखा नमिच्ने र पानी नछयाप्ने । आँखा छोइसकेपछि साबुन पानीले राम्रोसँग हात धुनुपर्छ । प्रशस्त मात्रामा पोषिलो खाना र पानी पिउने गर्नुपर्छ । बाहिर घाममा निस्कदा कालो चस्मा प्रयोग गर्नुपर्छ । संक्रमित व्यक्तिले प्रयोग गरेको टावेल, तन्ना र सिरानी अन्य सामग्री हरेक दिन धोएर सफा गर्नुपर्छ । संक्रमित व्यक्तिले प्रयोग गरेको सामग्री अन्य व्यक्तिलाई प्रयोग गर्न नदिने ।

 

 

 

 

 

 

 

 

 

स्वास्थ्य मन्त्रीले गरे काठमाडौँका विभिन्न अस्पतालको अनुगमन

इकागज | साउन १८, २०८०

काठमाडौँ - स्वास्थ्य तथा जनसंख्या मन्त्रालयले काठमाडौँ उपत्यकाभित्र रहेका विभिन्न अस्पतलमा अनुगमन गरेको छ ।...

'भिभिआईपी र भिआईपीको उपचारका लागि वीर अस्पतालमा सम्पूर्ण पूर्वाधार तयार'

इकागज | साउन १३, २०८०

काठमाडौँ - स्वास्थ्यमन्त्री मोहन बहादुर बस्नेतले भिभिआईपी र भीआईपीको उपचारका लागि वीर अस्पतालमा सम्प...