साहित्य

गोपी मैनालीको ‘अभिव्यञ्जना यात्राप्रति’ लोकार्पण

इकागज | फागुन ८, २०७९

काठमाडौं-  नेपाल सरकारका पूर्वसचिव, समालोचक तथा निबन्धकार गोपी मैनालीको ‘अभिव्यञ्जना यात्राप्रति’ कृतिको लोकार्पण गरिएको छ । आइतबार राजधानीमा एक समारोहबीच कुटनीतिज्ञ एवं भाषाविद् जयराज आचार्यले समालोचनात्मक कृतिको लोकार्पण गरेका थिए ।

प्रकाशक सुरभि साहित्य प्रतिष्ठानले आयोजना गरेको लोकार्पण समारोहमा समालोचक डा. लेखप्रसाद निरौला र ठाकुर शर्माले २ सय ६० पृष्ठ लामो  कृतिको समीक्षा गरेका थिए । कार्यक्रममा कृति समालोचना गर्दै बरिष्ठ साहित्यकार ठाकुर शर्मा भण्डारीले समालोचनालाई शास्त्रीय रुपमा हेर्ने र प्राध्यापकीय कर्मका रुपमा लिने परम्पराबाट माथि उठेर पूर्वीय एवम् पश्चात्य कला मान्यता, दृष्टिकोण, सिद्धान्त, प्रभाव र प्रयोजनको व्यापक आयाममा मैनालीले समालोचना गरेको बताएका थिए  । 

वरिष्ठ कवि तथा नेपाल सरकारका पूर्व मुख्य सचिव विमल कोइरालाले मैनालीका सिर्जना र पुुनर्सिर्जनामा समाजलाई मार्गदर्शन गर्ने ताकत रहेको, प्रज्ञा र अभिव्यञ्जनाको सन्तुलन रहेको छ भन्दै मैनालीका प्रत्येक सिर्जनामा भिन्न स्वाद र बौद्धिकताको गहिराई रहेको उल्लेख गरेका थिए ।

कृतिमा ३२ वटा समालोचना संग्रहित छन् । महाकवि लक्ष्मीप्रसाद देवकोटा, बीपी कोइराला, गुरुप्रसाद मैनाली, माधवप्रसाद घिमिरे, पारिजात, रमेश विकल, हरिभक्त कटुवालसम्मको सिर्जनाको समालोचना लेखक मैनालीले गरेका हुन् । समारोहमा कूटनीतिज्ञ एवं भाषाविद् जयराज आचार्य, पूर्वमुख्यसचिव विमल कोइराला, डा. गार्गी शर्मा लगायतले लेखक मैनाली र कृतिबारे चर्चा गरेका थिए ।

लेखक मैनालीले आफूले साहित्यिक समालोचनाको सुरूआत एसएलसी पास गरेपछि नै गरेको स्मरण गरेका थिए । ‘अभिव्यञ्जना यात्राप्रति’ प्रकाशन गर्ने निधो झण्डै चार दशकअघि नै गरेको उनको भनाइ थियो  । २०४० देखि २०७९ सालसम्म लेखिएका समालोचनाहरू कृतिमा समावेश गरेको उनले जानकारी दिए ।

मैनालीका 'अवसाद' 'अभिनयी' (निबन्धसंग्रह), 'आँखाभरि रमिता मनभरी वेदना' (नियात्रा), 'युगकवि सिद्धिचरण: कृति र प्रवृत्ति विश्लेषण' (समालोचना), 'अपेक्षा र अनुभूति' (सामयिक निबन्ध), 'घाउ आफैलाई दुख्छ' (निबन्धसंग्रह) लगायत कृतिहरू यसअघि प्रकाशित छन् ।
 

चाैतारामा जम्याे मुक्तक महफिल, श्रेष्ठलाई सिन्धुका ‘मुक्तक सम्राट’ उपाधि

इकागज | फागुन ७, २०७९

सिन्धुपाल्चोक- जिन्दगी शीत हो कर्कलामा टल्कने जिन्दगी गीत हो हृदयभरी घन्कने ज्यूँदै मर्ने लाछीहरूला...

कैलाली जनपुस्तकालयद्वारा विभिन्न राष्ट्रिय पुरस्कारका लागि प्रतिभा छनौट​

इकागज | फागुन ५, २०७९

कैलाली - जनपुस्तकालयले यस वर्ष प्रदान गर्ने विभिन्न राष्ट्रिय पुरस्कारको निर्णय गरेको छ । कैलाली जनपुस्तकाल...

पुस्तक

विकाशराज आचार्य | माघ २८, २०७९

ऊ मेरो प्रिय साथी  मेरो बाल सखा  उसलाई पहिलो पटक भेट्दा म पुलकित भएको थिएँ खुसीले सुमसुम्...