विपीको शालिकमा माल्यार्पण गरेर महामन्त्री थापाको संवाद यात्रा सुरु

इकागज | चैत १५, २०८०

काठमाडौँ - नेपाली काँग्रेसका महामन्त्री गगन कुमार थापाको दोस्रो चरणको संवाद यात्रा आज बिहान नवलपरासीको गौरीगञ्जबाट सुरु भएको छ । स्थानीय चोकमा विपी कोइरालाको प्रतिमामा माल्यार्पण गरेर उनले संवाद यात्रा सुरु गरेका हुन् । 

यसअघि गत माघ १३ गते झापाको मेची पुलबाट शुरु भएको संवाद यात्रा माघ २२ गते नवलपरासीको गोपीगञ्जमै पुगेर रोकिएको थियो । दोस्रो चरणको संवाद यात्रा आज, भोलि र पर्सी नवलपरासी, रुपन्देही, कपिलवस्तु, दाङ र बाँकेका विभिन्न ठाउँहरूमा हुने काँग्रेस केन्द्रीय सदस्य अजयबाबु शिवाकोटीले जानकारी दिए । 

महामन्त्री थापाले संवाद यात्रामा स्थानीयसँग छलफल गर्ने र उनीहरूका समस्याहरू सुन्ने गरेका छन् । यात्राका क्रममा आफूले बोल्नेभन्दा पनि स्थानीयका कुरा सुन्ने, विकास निर्माणका कार्यहरूको निरिक्षण गर्ने, स्थानीयको घरदैलोमा पुग्ने थापाको योजना छ । 

सुरुदेखि नै हुलाकी मार्गमा भइरहेको संवाद यात्रा अन्तर्गत आज महामन्त्री थापा नवलपरासीको गोपीगञ्जपछि पट्खौली हुँदै जिल्ला पार्टी कार्यालय पुगेर रुपन्देही प्रस्थान गर्नेछन् । 

आजै रुपन्देहीको धकधही, भैरहवा, जिल्ला पार्टी कार्यालय हुँदै बेथरी सम्म पुग्ने छ । भैरहवामा उनले उद्योग व्यवसायीसँग संवाद गर्नेछन् भने बेथरीमा स्थानीय सरोकारका विषयमा छलफल गर्नेछन् ।  भोली १६ गते रुपन्देहीको लुम्बिनी बौद्ध विश्वविद्यालयमा प्राज्ञिक अन्तरक्रियाबाट संवाद यात्रा सुरु भई कपिलवस्तु प्रवेश गर्नेछ । 

थापा नेतृत्वको संवाद यात्रा टोलीले १६ गते नै कपिलवस्तुको लुम्बिनी जिल्ला पार्टी कार्यालय, महाराजगञ्जको पालिका कार्यालय हुँदै चन्द्रौटासम्म संवाद गर्नेछ । 

त्यसैगरी १७ गते विहान दाङको गोवरडिहामा थारु संवादबाट सुरु हुने संवाद यात्रा जङ्ग्रहवा हुँदै बाँके प्रस्थान गर्नेछ । बाँकेमा उनले १७ गते सिक्टा सिंचाई आयोजनाको अवलोकन गर्ने र फत्तेपुरमा जनसंवाद गर्ने यात्रामा सँगै रहेका नेविसंघका पुर्व महामन्त्री युवराज पाण्डेले जानकारी दिए । 

कांग्रेस पार्टी कार्यालयका मुख्यसचिव कृष्णप्रसाद पौडेलका अनुसार समुदायमा कांग्रेस अभियान अन्तर्गत नै महामन्त्री थापाले यो संवाद यात्रालाई निरन्तरता दिएका हुन् ।

कानुन कार्यान्वयनको अभावमा मानवअधिकार उल्लंघनका घटना रोक्न सकिएन : प्रदीप पौडेल

इकागज | चैत १४, २०८०

काठमाडौँ - नेपाली कांग्रेसका नेता प्रदीप पौडेलले कानुन कार्यान्वयनको अभावमा मानवअधिकार उल्लंघनको घटना ...

नागरिक उन्मुक्तिले केन्द्र र प्रदेशमा नयाँ समीकरणलाई समर्थन गर्ने

इकागज | चैत १४, २०८०

धनगढी - नागरिक उन्मुक्ति पार्टी (नाउपा) ले केन्द्रको नयाँ समीकरणलाई केन्द्र र प्रदेशमा समर्थन गर्ने नि...

अनेरास्ववियुकी केन्द्रीय सदस्य रक्षा बम मोबाइल चोरी गरेको आरोपमा पक्राउ

इकागज | चैत १४, २०८०

काठमाडौँ- नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)की केन्द्रीय सदस्य...

त्यो ३५ घण्टा डा. शेखरले लुम्बिनी कांग्रेसमा एकताको सन्देश फैलाए

अतिन आचार्य | चैत १४, २०८०

काठमाडौँ- गिरिजा प्रसाद कोइरालाको १४ औ स्मृतिको दिन तिलोत्तमा नगरपालिकाका रामकृष्ण खाँण भैरहवा विमानस्...

कोशी प्रदेशमा नेकपा एमालेको नेतृत्वमा सरकार गठन हुन्छ : ईश्वर पोखरेल

इकागज | चैत १३, २०८०

काठमाडौँ- नेकपा (एमाले) का वरिष्ठ उपाध्यक्ष ईश्वर पोखरेलले कोशी प्रदेशमा नेकपा एमालेको नेतृत्वमा सरकार ...