बर्बादी टारिदिनकै लागि भएपनि मान्छे पात बन्नु पर्दो रहेछ (कविता)
कात्तिक १९, २०७९
बार
=====
सानो रुखलाई हामीले खुब बार लगाउँथ्यौ,
चौपायाबाट जोगाउन,
तर बा भन्दै हुनु हुन्छ;
अहिले युवालाई पनि उमेरबाट जोगाउन कम्मर पेटीको बार लगाउनु पर्छ, बाबु।
पात
========
स्कूल पढ्दा सरले भन्नुभयो,
तेरो पढाइ पात जस्तो नबनाई!
जीन्दगी बर्बाद हुन्छ।
त्यसपछि म घर गएँ अनि डोको बोकेर जङ्गल गएँ
जङ्गलका पातहरू बटुलेर घर ल्याएँ।
त्यसपछि उता हुरीले स्कुलको धुरी उडायो
र स्कुल बन्द भयो,
यता सर भने भोको पेटको न्याय गर्न भन्दै,
पैयुँका रसिला पातहरू चाट्न थालेदेखि,
सरलाई यो बल्ल थाहा भयो;
बर्बादी टारिदिनकै लागि भएपनि मान्छे पात बन्नु पर्दो रहेछ।
