अनियमितता

दश हजार घूस मुद्दामा विशेष फैसलाप्रति असन्तुष्टिसहित अख्तियार सर्वाेच्च गयो

इकागज | मंसिर १९, २०७९

काठमाडौं– भ्रष्टाचारका मुद्दामा विशेष अदालतबाट फैसलाप्रति ‘चित्त नबुझे’ अख्तियार दुरूपयोग अनुसन्धान आयोग ‘खुसुक्क’ सर्वाेच्च अदालतमा पुनरावेदन मुद्दामा जान्थ्यो । उसले त्यसरी पुनरावेदनमा गएको विषयमा प्रतिवेदनमा सामेल गर्थ्याे । तर, उसले विज्ञप्तिकै रूपमा सार्वजनिक गर्दैनथ्यो ।

पछिल्लो समय आयोगले विशेष अदालतको फैसलामा चित्त नबुझेको खण्डमा सर्वोच्च अदालतमा पुनरावेदन गरिएका मुद्दा, विषय र आधार तत्कालै सार्वजनिक गर्ने क्रम बढाएको छ । विशेष अदालतले २०७७ असार १७ मा होटल अनुमतिपत्र सहजीकरणका निम्ति दश हजार रुपैयाँ घूस लिएको अभियोगबाट कार्यालय सहयोगी खेमराज चौधरीलाई सफाइ दिएको थियो । तर, आयोगले घूस लिएको अभियोग तथ्य चौधरीले स्वीकारेको अवस्थामा सफाइ दिने अदालतको निर्णयप्रति असन्तुष्टि जाहेर गरी पुनरावेदनमा गएको हो ।

आयोगले घरेलु तथा साना उद्योग कार्यालय, कलैया, बाराका कार्यालय सहयोगी (करार) चौधरीलाई होटेल सञ्चालन निम्ति अनुमतिपत्र बनाई दिने कार्यमा सहजीकरण गर्दा दश हजार रुपैयाँ घूस लिएको अवस्थामा नियन्त्रणमा लिँदै भ्रष्टाचार मुद्दामा गएको थियो । तर, विशेष अदालतले ‘अदालतमा बयान गर्दा आरोपित कसुरमा इन्कारी रही बयान गरेको र घूस रकम मागेको वा लिने मनसाय नदेखिई निवेदकले नै प्रतिवादीलाई घूस रकम लिन दुरुत्साहन गरेको देखिएको’ उल्लेख गरी सफाइ दियो । त्यति मात्र होइन, अदालतले आयोगबाट उपलब्ध रकम र त्यससँग सम्बन्धित अन्य प्रमाणलाई प्रमाणको रूपमा ग्रहण गर्न नमिल्ने उल्लेख फैसलामा गरेको छ ।

तर, आयोगको जिकिर चाहिँ फरक छ । आयोगले आफ्नो कामका लागि प्रतिवादी कार्यरत कार्यालयमा गएको र काम निम्ति घूस दिन बाध्य पारेको जिकिर लिएको छ । त्यस अतिरिक्त घूस रकम माग गरेको तथ्य निवेदक र प्रतिवादीबीच भएको अडियो कुराकानीको स्क्रिप्टबाट समेत पुष्टि भएको दाबी आयोगको छ ।

उजुरीकर्ताले अदालतमा बकपत्र गर्दा प्रतिवादीले घूस रकम माग गरेको थियो भनी किटानीसाथ बकपत्र गरेका थिए । घूस रकम लिएको तथ्यलाई प्रतिवादी स्वयंले पनि स्वीकार गरेको हुँदा सर्वाेच्च अदालतमा पुनरावेदन जाने आधार बनेको हो ।

यसअघि पनि विशेष अदालतका ११४ वटा मुद्दाका फैसलामा असन्तुष्टि जाहेर गर्दै सर्वाेच्च अदालतमा पुनरावेदन गएको थियो ।

नक्कली शैक्षिक प्रमाणपत्र पेश गर्ने ल्याब टेक्निसियन र शिक्षकमाथि मुद्दा

इकागज | मंसिर १८, २०७९

काठमाडौं । अख्तियार दुरुपयोग अनुसन्धान आयोगले नक्कली प्रमाणपत्र पेश गरी करार सेवामा प्रवेश गर्ने &n...

चक्रघट्टा गाउँपालिकाका पूर्वअध्यक्षसहित चारजनाविरुद्ध भ्रष्टाचार मुद्दा

इकागज | मंसिर १६, २०७९

काठमाडौं- अख्तियार दुरुपयोग अनुसन्धान आयोगले सर्लाहीको चक्रघट्टा गाउँपालिकाका पूर्वअध्यक्षसहित चारजनाविरु...

आफू अनुकुल इष्टिमेट चेन्ज गरेकाे आराेपमा तत्कालीन प्रमुख डिभिजन इन्जिनियर पाण्डेविरुद्ध मुद्दा

इकागज | मंसिर १४, २०७९

काठमाडौं । शहरी विकास तथा भवन निर्माण विभाग, डिभिजन कार्यालय, दाङका तत्कालीन कार्यालय प्रमुख डिभिजनल इ...

सल्यानका तत्कालीन प्रमुख इन्जिनियरसहित ६ जनाविरुद्ध अख्तियारकाे मुद्दा

इकागज | मंसिर १४, २०७९

काठमाडौँ -अख्तियार दुरुपयोग अनुसन्धान आयोगले पूर्वाधार विकास कार्यालय, सल्यानका तत्कालीन निमित्त कार्यालय...

पूर्वाधार विकास कार्यालयका तत्कालीन निमित्त प्रमुख विरुद्ध मुद्दा दायर

इकागज | मंसिर १३, २०७९

काठमाडौँ । सल्यानको शारदा नगरपालिका–१५ अन्तर्गत पूर्वाधार विकास कार्यालयबाट अनियमितता भएको आरोपम...

त्रिभुवन जन माविका तत्कालीन प्रधानाध्यापकसहित ६ जनाविरुद्ध भ्रष्ट्राचार मुद्दा

इकागज | मंसिर ७, २०७९

काठमाडौं- अख्तियार दुरुपयोग अनुसन्धान आयोगले सल्यान, शारदा नगरपालिका–२, लुहापिङ्गस्थित त्रिभुवन ज...

सरकारी जग्गा व्यक्तिको नाममा दर्ता गर्ने उपसचिवसहित आठविरुद्ध आरोपपत्र दायर

इकागज | मंसिर ६, २०७९

काठमाडौं- अख्तियार दुरुपयोग अनुसन्धान आयोगले मालपोत कार्यालय, डिल्लीबजारका तत्कालीन उपसचिव परशुरा...