काठमाडौँ- बार्सिलोना कोपा डेल रेबाट बाहिरिएको छ ।

गएराति सम्पन्न कोपा डेल रे को क्वाटरफाइनल अन्तर्गतको खेलमा एथ्लेटिक बिल्बाओसँग ४-२ गोल अन्तरले पराजित हुँदै बार्सिलोना बाहिरिएको हो ।

निर्धारित ९० मिनेटको खेलमा दुवै क्लबले २-२ गोल गरेपछि खेल ३० मिनेट अतिरिक्त समय खेलाइएको थियो । सो समयमा एथ्लेटिक क्लबले २ गोल गरेपछि खेल ४-२ ले जितेको थियो ।

एथ्लेटिक क्लबको जितमा गोर्का गुरुजेफा, ओइहान सान्चेट, इनाकी विलियम्स र निको विलियम्सले एक एक गोल गरेका थिए । त्यस्तै बार्सिलोनाका लागि रोबेर्ट लेवानडोस्की र लामिन यमलले एक एक गोल गरेका थिए ।

त्यसैगरी अर्को खेलमा मल्लोर्काले गिरोनालाई ३-२ ले पराजित गर्दै सेमिफाइनलमा पुगेको छ । यस अघि रियल सोसियडाडले सेल्टा भिगोलाई २-१ ले पराजित गर्दै सेमिफाइनलमा पुगेको थियो ।

अहिलेसम्म एथ्लेटिक क्लब, मल्लोर्का र रियल सोसियडाड यस बर्षको कोपा डेल रेको सेमिफाइनलमा पुगेका छन् ।