रोग र उपचार

लुबाट बच्न मन्त्रालयको आग्रह

इकागज | बैशाख १३, २०७९

काठमाडौँ - स्वास्थ्य तथा जनसङ्ख्या मन्त्रालयले तातो हावा (लु)बाट जोगिन आग्रह गरेको छ । गर्मीयाम बढेसँगै तराईमा तातो हावा चल्न थालेकाले मन्त्रालयले सूचना जारी गर्दै लुबाट  बच्न  दिउँसो घरबाट ननिस्कन आग्रह गरेको छ । 

बाहिर निस्कनै परे पातलोे कपडाले टाउको छोप्ने वा छाता ओढ्ने, फलफूलको रस  वा पानी पिउने,  धेरै पसिना आएमा कहिलेकाहीँ जीवनजल पिउने, चिसो पानीले नुहाउने, खेतबारीमा कामकाज सकभर बिहान वा बेलुका गर्ने, चिनीको मात्रा बढी भएको झोल पदार्थ बढी नपिउने, चिया, कफी, सोडाजस्ता पेयपदार्थ नपिउने भनिएको छ । 

तातो हावाबाट श्वासप्रश्वासमा असर पर्ने,  रक्तचाप कम हुने, शरीरबाट पिसिना निस्कने, टाउको अत्यधिक दुख्ने, चक्कर लाग्ने, अचेत हुने, शरीरको तापक्रम १०४ डिग्री फरेनहाइटभन्दा बढी हुनाका साथै  छाला सुक्खा, रातो र तातो हुने गर्दछ । रासस

रुपन्देहीमा चैत २२ गतेदेखि २७ गतेसम्म   टाइफाइडविरुद्धको खोप लगाइने

इकागज | चैत २०, २०७८

रुपन्देही - रुपन्देहीमा यही चैत २२ गतेदेखि २७ गतेसम्म टाइफाइड रोगविरुद्ध खोप अभियान सञ्चालन गरिने भएको...