बुटवलमा कांग्रेसका पाण्डेयको फराकिलो अग्रता

बुटवल–बुटवलमा  मेयरमा नेपाली कांग्रेसका खेलराज पाण्डेयको अग्रता फराकिलो बन्दै गएको छ । पछिल्लो मत परिणाम अनुसार गठबन्धनको तर्फबाट मेयरमा पाण्डेयले ८ हजार ९२६ मत प्राप्त गरेका छन् ।

उनका प्रतिद्वन्द्वी एमाले उम्मेदवार बाबुराम भट्टराईले ५ हजार ९८० मत प्राप्त गरेका छन् । पाण्डेय र भट्टराईको मतान्तर २ हजार ९४६ पुगेको छ । उपमेयरमा भने एमाले उम्मेदवार सावित्रा अर्यालको अग्रता छ ।

उपमेयरमा एमाले उम्मेदवार अर्यालले ६ हजार ६२८  मत प्राप्त गर्दा गठबन्धनको तर्फबाट एकीकृत समाजवादीका उम्मेदवार चिनबहादुर गुरुङले ५ हजार ४८  मत प्राप्त गरेका छन् । अर्याल र गुरुङको मतान्तर १ हजार ५८० रहेको छ ।