बंगलादेश १३१ रनमा अलआउट, बोल्टको ४ विकेट

काठमाडौँ : न्युजिल्याण्डसँगको पहिलो एकदिवसीय क्रिकेटमा बंगलादेश १३१ रनमै अलआउट भएको छ । डुनिडनमा टस हारेर पहिले ब्याटिङ गरेको बंगलादेश ४१ ओभर ५ बलमा सबै १० विकेट गुमाएर १३१ रनमा अलआउट भएको हो । 

बंगलादेशका लागि महमुदुल्लाहले २७ र मुसाफिकर रहिमले २३ रन बनाए । न्युजिल्याण्डका ट्रेन्ट बोल्टले सर्वाधिक ४ विकेट लिए । ८ ओभर ५ बल बलिङ गरेका उनले २७ रन दिएर ४ विकेट लिएका हुन् । यस्तै जेम्स निशम र मिचेल सान्टनरले समान दुई-दुई विकेट लिए ।

न्युजिल्याण्डले केहीबेरमा १३२ रनको झिनो लक्ष्य पछ्याउँदै जवाफी ब्याटिङ गर्नेछ । न्युजिल्याण्ड भ्रमणमा रहेको बंगलादेशले तीन-तीन वटा एकदिवसीय र टी–ट्वेन्टी क्रिकेट खेल्नेछ ।