पहिलो एकदिवसीयमा बंगलादेशको खराब सुरुवात

काठमाडौँ : न्युजिल्याण्डसँगको पहिलो एकदिवसीय क्रिकेटमा बंगलादेशले खराब सुरुवात गरेको छ । न्युजिल्याण्डको दुनेडिनमा पाहुना टोली बंगलादेशले आफ्ना सुरुवाती ब्याट्सम्यानलाई सस्तैमा गुमाएको छ ।

२७ ओभरको खेल सकिदा ६ विकेट गुमाएर ७८ रन मात्रै बनाउन सकेको छ । उसका लागि मुसाफिकर रहिमले २३ र लिटन दासले १९ रन बनाउनु बाहेक अन्य ब्याट्सम्यानले गतिलो प्रदर्शन गर्न सकेका छैनन् । न्युजिल्याण्डका ट्रेन्ट बोल्ट र जेम्स निशमले समान दुई दुई विकेट लिएका छन् ।

न्युजिल्याण्ड भ्रमणमा रहेको बंगलादेशले तीन वटा एकदिवसीय र तीन वटा टी-ट्वेन्टी क्रिकेट खेल्नेछ ।