लोकन्थलीमा शववाहन र मोटरसाइकल ठोक्किँदा एक जना घाइते

काठमाडौँ- भक्तपुरको लोकन्थलीमा शववाहन र मोटरसाइकल ठोक्किदा मोटरसाइकल चालक घाइते भएका छन् । सिन्धुपाल्चोकबाट शव लिएर आइरहेको शववाहनले ठक्कर दिँदा चालक भेषबहादुर श्रेष्‍ठ घाइते भएको भक्तपुर महानगरीय प्रहरी कार्यालयले जनाएको छ ।

प्रहरीकाअनुसार घाइते चालकलाई लोकनथलीकै समीट अस्पतालमा उपचारका लागि लगिएको छ ।

प्रदेश–३–०१ ०२३ च २३५६ नम्बरको शववाहनले विपरीत दिशातर्फ आउँदै गरेको मोटरसाइकललाई ठक्कर दिएको प्रहरीले जनाएको छ । दुर्घटनामा परी बा ५२ प ५३८५ नम्बरको मोटरसाइकल जलेको छ ।

शववाहनका चालक र सहचालक दुवै प्रहरी नियन्त्रणमा रहेको महानगरीय प्रहरी परिसरले जानकारी दिएको छ ।