काठमाडौंको तारकेश्वरबाट नगदसहित १० जुवाडे पक्राउ

काठमाडौं । महानगरीय प्रहरी परिसर काठमाडौंले जुवा खेलिरहेका १० जनालाई पक्राउ गरेको छ । पक्राउ पर्नेमा खूङ्गला गाउँपालिका-८ बागलुङ घर भई तारकेश्वर बस्‍दै आएका ३९ वर्षीय युवराज कडेंलसहित १० जना रहेका छन् ।

तारकेश्वर नगरपालिका-९ मनमैजुस्थित जगत डंगोलको घरभित्र जुवातास खेलिरहेको गाेप्य सूचनाकाे आधारमा उनीहरुलाई पक्राउ गरिएको हो। प्रहरीले उनीहरुको साथबाट नगद १ लाख ९ हजार ७४५ रुपैयाँ र ३ थान तासबरामद गरेको छ ।

महानगरीय प्रहरी परिसर काठमाडौंका प्रवक्ता दिनेशराज मैनालीले पक्राउ परेकाहरुमाथि मुलुकी अपराध संहिता, २०७४ को परिच्छेद ५ को दफा १२५ अनुसार जुवा वा सट्टाबाजी गर्न नहुने सम्बन्धी कसूरमा जिल्ला प्रशासन कार्यालय काठमाडौंबाट ६ दिनको म्‍याद थपेर अनुसन्धान भइरहेको बताए ।