तोलामा ४०० ले बढ्यो सुनको मूल्य

काठमाडौँ : स्थानीय बजारमा पहेँलो धातुको मूल्य आज तोलामा  ४०० रुपैयाँले उकालो लागेको छ । चैत महिनाको पहिलो दिन नै छापवाला सुन तोलामा  ८६ हजार ६०० मा कारोबार हुने गरी मूल्य निर्धारण भएको छ । 

फागुन २८ गते अर्थात् शुक्रबार छापवाला सुन तोलामा रु ८६ हजार २०० मा कारोवार भएको थियो । यस्तै तेजाबी सुन आज तोलामा  ८६ हजार १५० मा कारोबार हुनेछ । शुक्रबार तेजाबी सुन तोलामा ८५ हजार ७५० मा कारोबार भएको थियो । 

चाँदीको मूल्य भने स्थिर रहेको छ । चाँदी तोलामा एक हजार २७० मा कारोबार हुने गरी मूल्य निर्धारण भएको नेपाल सुनचाँदी व्यवसायी महासंघले जनाएको छ । (रासस)