रजनीको गोलमा चन्द्रपुरको जित

काठमाडौँ  : रजनी थोकरले खेलकै एक मात्रै गोल गर्दा चन्द्रपुर नगरपालिकाले आइतबार राष्ट्रिय महिला फुटबल लिगमा विराटनगर महानगरपालिकालाई १-० ले पराजित गरेको छ । सातदोबाटोस्थित एन्फा कम्प्लेक्सको मैदानमा भएको खेलमा रजनीले ७० औ मिनेटमा गरेको गोल रौतहटको टोलीका लागि लिगमा दोस्रो जित निकाल्न पर्याप्त रह्यो ।

जितसँगै चन्द्रपुरले सात खेलबाट ६ अंक बटुलेको छ । पराजित बिराटनगर भने १० अंकका साथ लिगमा तेस्रो स्थानमा रहेको छ । पहिलो लेगमा बिराटनगरले चन्द्रपुरले ५-० ले पराजित गरेको थियो । लिगमा अपराजित रहेको शसस्त्र प्रहरीको एपीएफ सात खेलबाट १८ अंक बटुल्दै शीर्षस्थानमा छ ।