दक्षिण अफ्रिकालाई पहिलो टेस्ट जोगाउनै मुश्किल

काठमाडौँ : पाकिस्तानसँगको पहिलो टेस्ट क्रिकेटमा दक्षिण अफ्रिकाको खराब प्रदर्शन जारी छ । कराँचीमा पहिलो पाली सस्तैमा अलआउट भएको दक्षिण अफ्रिका दोस्रो पालीमा पाकिस्तानसँगको अग्रता घटाउनै हम्मे हम्मे परेको छ ।

एडेन मरक्रम बाहेक अरु व्याट्सम्यानले गतिलोसँग रन जोड्न नसक्दा दोस्रो पालीमा दक्षिण अफ्रिका संकटमै छ । तेस्रो दिनको खेल सकिदा ४ विकेट गुमाएर १८७ रन मात्रै बनाउन सकेको अफ्रिकाले २९ रनको अग्रता लिएको छ ।

उसका महत्वपूर्ण व्याट्सम्यान मरक्रमले ७४ र रसी भान डेर डुसेनले ६४ रन मात्रै बनाउन सके । ओपनर डिन एल्गर २९ र फाफ डुप्लेसिस १० रनमै आउट हुँदा दक्षिण अफ्रिकाले दोस्रो पालीमा विशाल रन बनाउने सम्भावना न्युन देखिन्छ ।

पहिलो पालीमा निकै खराब शुरुवात गरेपनि फावद आलमले शतक बनाएपछि पाकिस्तान अफ्रिकामाथि दबाब सिर्जना गर्न सफल भएको हो । अफ्रिकालाई २२० रनमै अलआउट गरेर ३७८ रन बनाएको पाकिस्तानले पहिलो पालीमा १५८ रनको अग्रता लिन सफल भएको थियो ।

अब चौथो दिन पाकिस्तानी बलरसामु दक्षिण अफ्रिकाका मध्य र पुछारका ब्याट्सम्यानको प्रदर्शनमा उसको पहिलो टेस्टको जित निर्भर छ । (इएसपीएन क्रिकइन्फोको सहयोगमा)