श्रीलंकाविरुद्धको टेस्ट श्रृङ्खला इंग्ल्याण्डलाई

काठमाडौँ : श्रीलंकासँगको दुई खेलको टेस्ट क्रिकेट श्रृङ्खला इंग्ल्याण्डले जितेको छ । गालेमा दोस्रो तथा अन्तिम टेस्ट ६ विकेटले जित्दै इंग्ल्याण्डले दुई खेलको श्रृङ्खला २-० ले जितेको हो ।

श्रीलंकाले दिएको १ सय ६४ रनको लक्ष्य इंग्ल्याण्डले ४ विकेट गुमाएर भेट्टायो । इंग्ल्याण्डको जितमा दोस्रो पालीमा डम सिब्लीले नटआउट ५६ र जोस बटलरले नटआउट ४६ रन बनाए ।

श्रीलंकाका लसिथ इमबुल्डेनियाले ३ विकेट लिए । यसअघि श्रीलंका दोस्रो पालीमा १ सय २६ रनमै अलआउट भएको थियो । उसका लसिथ इमबुल्डेनियाले सर्वाधिक ४० रन जोडे ।

इंग्ल्याण्डका डम बेस र ज्याक लिचले चार चार विकेट लिए । पहिलो पालीमा ३ सय ८१ रन जोडेको श्रीलंकाले इंग्ल्याण्डलाई ३ सय ४४ रनमै अलआउट गरेको थियो । श्रीलंकाका लागि एन्जोलो म्याथ्युजले शतक बनाउँदा इंग्ल्याण्डका लागि कप्तान जोय रुटले शतक बनाए । 

रुटले पहिलो टेस्टमा दोहोरो शतक बनाएका थिए ।