कार्यकर्ता हत्याको जाहेरी नलिएपछि नेकपाकै नेताहरू धर्नामा

धर्ना कार्यक्रमलाई सम्बोधन गर्दै पूर्वमन्त्री तथा नेकपाका नेता मात्रिका यादव।

वीरगञ्ज : पर्सामा घटनाका विषयमा सत्तारुढ नेपाल कम्युनिस्ट पार्टी (नेकपा)कै नेताहरु धर्नामा बसेका छन् । घटनापछि प्रहरीले जाहेरी नलिएको भन्दै नेकपाका नेताहरु धर्नामा बसेका हुन् ।

 शनिबार नेकपाका नेताहरुले जिल्ला प्रहरी कार्यालय अगाडि धर्नाको कार्यक्रम आयोजना गरेर जाहेरी लिन दबाब दिएका छन् । उक्त धर्ना कार्यक्रमलाई सम्बोधन गर्दै नेकपाका नेताहरुले प्रहरीले जाहेरी नलिएसम्म आन्दोलन जारी रहने बताएका हुन् ।

यति हुँदा पनि जाहेरी नलिए अगामी दिनमा प्रदेश २ हुँदै देशव्यापीरुपमा आन्दोलन चर्काउने चेतावनीसमेत नेताहरुले दिए ।

नेकपाको स्थानीय दुई समुहबीच पर्सा जिल्लामा बिहिबार झडप भएको भएको थियो । झडपमा परी गम्भीर घाइते भएका  नेकपा जिल्ला सदस्य मुकेश चौरसियाको उपचारका क्रममा शुक्रबार मृत्यु भएको थियो । घटनाको तीनदिनसम्म पनि प्रहरीले जाहेरी नलिएको आरोप नेता कार्यकर्ताहरुको छ ।