तेन्दुलकर पुत्र अर्जुन आइपीएल अक्सनका लागि योग्य

काठमाडौं : भारतका पूर्वक्रिकेटर सचिन तेन्दुलकर पुत्र अर्जुन तेन्दुलकरले मुम्बइको सिनियर टिमबाट डेब्यु गरेका छन् । अर्जुनले शुक्रबार शैयद मुस्ताक अली ट्रफीमा मुम्बई सिनियर टिमका लागि हरयानाविरुद्धको खेलबाट डेब्यु गरेका हुन् । 

मुम्बईको सिनियर टिमका लागि खेलेपछि २१ वर्षिय बलर इन्डियन प्रिमियर लिग (आइपीएल) को अक्सनका लागि पनि योग्य भएका छन् । अर्का पेसर क्रुतिक हानागाभाडीले चोटका कारण प्रतियोगिता गुमाएपछि तेन्दुलकर पुत्रले मौका पाएका हुन् । भारतीय अण्डर –१९ टोलीबाट खेलिसकेका अर्जुन मुम्बइको जुनियर टिमबाट खेल्दै आएका थिए ।