दीपेन्द्र र ज्ञानेन्द्र पनि आउट

फाइल फोटो

काठमाडौँ : आइसीसी टी–ट्वान्टी विश्वकप छनौटमा युएईविरुद्ध १७६ रनको लक्ष्य पछ्याएको नेपालले खराब प्रदर्शन गर्ने क्रम जारी छ । ओपनर ब्याटर सस्तैमा गुमाएको नेपालका लागि क्रिजमा जमेका भरपर्दा ब्याटर दीपेन्द्रसिंह ऐरी र ज्ञानेन्द्र मल्ल पनि आउट भएका छन् ।

१२ औँ ओभरको चौथो बलमा ज्ञानेन्द्र आउट हुँदा पाँचौ बलमा दीपेन्द्र पनि आउट भएका हुन् । दुबै जनालाई युएईका अहमद राजाले आउट गर्न सफल भए । दीपेन्द्र ३८ रनमा आउट हुँदा ज्ञानेन्द्र २० रनमा आउट भएका हुन् ।

राजाले १२ औँ ओभरको चौथो बलमा ज्ञानेन्द्रलाई मुहम्मद वसिमको हातबाट क्याचआउट गरेका हुन् । त्यही ओभरको पाँचौ बलमा राजाले दीपेन्द्रलाई एलबीडब्लु धरापमा पार्दै आउट गरे । यससँगै दोस्रोपटक विश्वकप खेल्ने नेपालको सपना लगभग समाप्त भएको छ । 

एउटै ओभरमा भरपर्दा दुई ब्याटर गुमाएको नेपालले १३ ओभरमा ६ विकेट गुमाएर ८६ रन मात्रै बनाएको छ । यसअघि ओपनर आसिफ शेख र लोकेश बमलाई शून्यमा गुमाएको नेपालले अर्का ओपनर कुशल भुर्तेललाई ७ र अलराउण्डर आरिफ शेखलाई ११ रनमा गुमाएको थियो । 

यसअघि पहिले ब्याटिङ गरेको युएईले निर्धारित २० ओभरमा ७ विकेट गुमाएर १७५ रन बनाएको थियो । आजको खेल जितेमा युएई टी–ट्वान्टी विश्वकपमा छनौट हुनेछ ।