फूलह्यामसँग टोटेनहमको बराबरी

काठमाडौं : इंग्लिस प्रिमियर लिग फुटबलमा टोटेनहमले बराबरी खेलेको छ । बुधबार राती भएको खेलमा टोटेनहमले फूलहयामसँग १-१ गोलको बराबरी खेलेको हो । खेलमा अग्रता भने टोटेनहमले लिएको थियो ।

२५ औँ मिनेटमा ह्यारी केनले गोल गर्दै टोटेनहमलाई १-० गोलको अग्रता दिलाएका थिए । पहिलो हाफ आफ्नो पक्षमा पारेको टोटेनहमले दोस्रो हाफमा भने फितलो प्रदर्शन गर्‍यो । ७४ औँ मिनेटमा इभान क्याभेलेरियोले फुलह्यामका लागि बराबरी गोल गरे ।

दुवै टिमले गोलका लागि थुप्रै अवसर पाए पनि विजयी गोल गर्न भने सकेनन् । बराबरीले टोटेनहमलाई धक्का लागेको छ । तेस्रो स्थानमा उक्लिने मौका गुमाएको टोटेनहम १७ खेलबाट ३० अंकसहित छैटौं स्थानमा छ । फुलह्याम भने रेलिगेसन जोनमा छ ।