‘जनता रोगले ग्रस्त छन्, ओली गफमा मस्त छन्’

काठमाडौं : प्रतिनिधि सभा विघटनको विरोधमा कला प्रदर्शनी गरिएको छ । मंगलबार प्रज्ञा–प्रतिष्ठानको डबलीमा कलाकारहरूले प्रतिनिधि सभा विघटनको विरोधमा कला प्रदर्शनी गरेका हुन् ।

नागरिक समाजका अगुवा तथा सर्वसाधारणको उपस्थितिमा प्रतिनिधि सभा विघटनको विरुध्दमा कविता नाटक, चित्र प्रदर्शनीलगायत प्रस्तुत गरिएको थियो । उक्त कार्यक्रममा जनता रोगले ग्रस्त छन्, ओली गफमा मस्त छन्, उखान टुक्का गल्फत्ती, देश होइन तिम्रो सम्पति, संसद विघटन रातारात देश डुबाउन तिम्रो हात, प्रतिनिधि सभा पुर्नगठन सर्वोच्चले गर सम्बोधनलगायतका नारा लेखिएका प्लेकार्डसहित कलाकारहरूले प्रस्तुति राखेका थिए । 

प्रतिगमनविरुद्ध बृहत् नागरिक आन्दोलनको निरन्तर श्रृङ्खला अन्र्तगत यस कार्यक्रम गरिएको आयोजकले जनाएको छ । विरोध प्रदर्शनीमा सडक नाटकले देशको अहिलेको अवस्था देखाउन खोजिएको थियो ।