अहिलेसम्मकै ठूलो आइपीओ माघ २ गतेबाट खुल्ने, कति छ नेटवर्थ ?

काठमाडौं : नेपाल इन्फ्रास्ट्रक्चर बैंक लिमिटेडले माघ २ गतेदेखि साधारण सेयरको (आइपीओ) बिक्री खुल्ला गर्ने भएको छ । यो अहिलेसम्मै ठूलो आइपीओ हो  । कम्पनीले जारी पूँजी २० अर्बको ४० प्रतिशत बराबरको सेयर निष्कासन गर्न लागेको हो ।

प्रति सेयर एक सय रुपैयाँको दरले ८ करोड कित्ता सेयर बिक्री गर्न लागेको हो । जसमध्ये ०.२० प्रतिशत अर्थात १ लाख ६० हजार कित्ता कर्मचारीका लागि सुरक्षित गरिएको छ । ५ प्रतिशत अर्थात ४० लाख कित्ता सेयर सामूहिक लगानी कोषलाई बाँडफाँट गर्नेछ । बाँकी रहेको ७ करोड ५८ लाख ४० लाख कित्ता सर्वसाधारणका लागि खुल्ला गर्न लागिएको बैंकले जानकारी दिएको छ ।

पूर्वाधार विकास सम्बन्धी परियोजनामा कर्जा प्रवाह तथा सेयर लगानी गर्ने उद्येश्यले खोलिएको यो बैंकको अधिकृत पूँजी ४० अर्ब रुपैयाँ छ । साधारण सेयर निष्काशनपछि बैंकको चुक्ता पुँजी २० अर्ब रुपैयाँ पुग्नेछ ।

बैंकले छिटोमा माघ ६ गतेसम्म खुल्ला गर्नेछ । ढिलोमा १३ गते बन्द गर्ने बैंकले जानकारी दिएको छ ।

आगामी ३ वर्ष तथा विगत ३ वर्षको नेटवर्थ सम्बन्धी विवरण

विवरण	वास्तविक				प्रक्षेपित
	आव ०७४/०७५		आव ०७५/०७६	आव ०७६/७७	आव ०७७/७८	आव ०७८/७९	आव ०७९/०८०
प्रति सेयर नेटवर्थ (रुपैयाँमा.)	५१	१०६.५७		११३.६२	११७.६९	११०.५४		११२.८०
प्रति सेयर आम्दानी (रुपैयाँमा.)	२	६.१		७.०६	५.५८	७.६७		८.८२
संचित नाफा/(नोक्सानी) (रुपैयाँ. हजार)	९४, ५६३	६२३२१९		१२३४३७१	१७४४३१२	१३७०९९५		१५९९६३०