कांग्रेस प्रदेश १ अधिवेशन: ९७ प्रतिशतले गरे मतदान

विराटनगर - नेपाली कांग्रेसको प्रदेश १ अधिवेशनअन्तर्गत शनिबार भएको मतदानमा एक हजार ७५२ मत खसेको छ । कूल एक हजार ८०४ मतदाता रहेकोमा एक हजार ७५२ मतदान गरेको प्रदेश निर्वाचन समितिले जनाएको छ । समितिकाअनुसार प्रदेश अधिवेनमा ९७ प्रतिशतले मतदान गरेका हुन् ।

गणना भने भोलि ८ बजेदेखि हुने समितिले जनाएको छ । नेपाली काङ्ग्रेस मोरङको पार्टी अफिसमा मत गणना हुने निर्वाचन समितिका प्रमुख भरत थापाले जानकारी दिए । बिहान ८ बजेदेखि हुने मतदान हुने भनिए पनि मतपत्रमा उम्मेदवारको नाम छुटेपछि दिउँसो सवा २ बजेदेखि मतदान सुरु भएको थियो ।