सीप र ज्ञान नयाँ पुस्तामा हस्तान्तरण गरिनुपर्छ : झाँक्री

काठमाडौं - सहरी विकासमन्त्री रामकुमारी झाँक्रीले एउटा पुस्तामा भएको सीप र ज्ञान अर्को पुस्तामा हस्तान्तरण गरिनु पर्नेमा जोड दिएकी छन् । संयुक्त राष्ट्र संघीय विकास कोष (यूएनडीपी) र भारतीय दूतावासले सोमबार आयोजित कार्यक्रममा बोल्दै मन्त्री झाँक्रीले यस्तो बताएकी हुन् ।

 आफू विद्यार्थी राजनाीति गर्दादेखि नै सीप र ज्ञान हस्तान्तरणको पक्षमा वकालत गर्दै आएको उनको भनाइ छ । सबै क्षेत्रका नागरिकका लागि सरकारले सुरक्षित आवास निर्माणमा ध्यान दिनुपर्ने बताउँदै सरकारले कार्यक्रमका रूपमा सुरक्षित आवास निर्माणलाई अघि बढाइरहेको जानकारी पनि दिइन् ।

०७२ को भूकम्पका कारण क्षतिग्रस्त जनताका घर निर्माण अन्तिम चरणमा पुगेको बताइन् । ‘विद्यार्थीलाई अध्ययन, अनुसन्धानमा नै सहयोग गर्ने मन्त्रालयको सोच छ,’ उनले भनिन् ।