निर्माणधीन घरको जगमा पुरिएर महिलाको मृत्यु

पोखरा – पोखरामा निर्माणाधीन घरको जगको खाल्डोमा पुरिएर मंगलबार एक महिलाको मृत्यु भएको छ । पोखरा महानगरपालिका–११ काँहुडाँडास्थित एक निजी घरको जगको खाल्डोमा सोलिङ गर्ने क्रममा भित्ता भत्किँदा पुरिएकी ती महिलाको मृत्यु भएको हो । 

मृत्यु हुनेमा सिन्धुली ठूला गाउँ घर भई हाल पोखरा–११ फूलबारी डेरा गरी बस्ने ४१ वर्षीया आइतीमाया थोकर रहेको प्रहरीले जनाएको छ । पुरिएर गम्भीर घाइते भएकी थोकरको मणिपाल शिक्षण अस्पतालमा उपचारको क्रममा मृत्यु भएको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक मोहन पोखरेलले बताए ।