सेतीमा हाम फालेर किशोरी बेपत्ता

प्रतिकात्‍मक तस्‍बिर ।

बझाङ - बझाङस्‍थित सेती नदीमा हाम फालेर एक किशोरी बेपत्ता भएकी छन् । सुर्मा गाँउपालिका ४ भेलाद घरभएकी अन्दाजी १९ वर्षकी सिमा कुमारी बोहराले सदरमुकाम नजिकैबाट सेति नदीमा हाम फालेकी हुन् ।

उनी हाल जयपृथ्वी नगरपालिका वडा नं १० चैनपुरमा बस्दै आएकी थिइन् । बोहराले आज बिहान पौने दश बजेतिर रिङ्गरोडमा रहेको सिमलको रुख नजिकैबाट हाम फालेको प्रहरीले जनाएको छ । उनको खोजी कार्य भइरहेको बझाङ प्रहरीले जनाएको छ ।