माछा मार्न जाँदा बेपत्ता तीन जनाको दुई दिनपछि सकुशल उद्धार

फाइल तस्‍बिर

कैलाली - माछा मार्न जाँदा बेपत्ता भएका तीन जनाको दुई दिनपछि सकुशल उद्धार गरिएको छ । सोमबारदेखि बेपत्ता भएका कैलालीको लम्कीचुहा नगरपालिका ३ ढुङ्गे बजार बस्ने ६१ वर्षीय खडक घर्ती मगर, सोही ठाउँ बस्ने ३५ वर्षीय विक्रम घर्ती मगर र २६ वर्षीय खडक राना मगरको आज सकुशल उद्धार गरेको इलाका प्रहरी कार्यालय चिसापानीले जनाएको छ ।

जानकी गाउँपालिका-९ र बर्दियाकोबीचमा पर्ने कर्णाली नदीको लालमटिया टापुबाट बुधबार तीनै जनालाई सकुशल फेला पारी उद्धार गरिएको इलाका प्रहरी कार्यालय चिसापानीका कार्यालय प्रमुख प्रहरी निरीक्षक पुष्कर राज पन्तले बताए ।