बैतडीको बसेडीमा पहिरोले घर बगाउँदा ३ जनाको मृत्यु

फाइल फोटो

कैलाली - बैतडीको शिवनाथ गाउँपालिका वडा नम्बर ६ बसेडीमा पहिरोले घर बगाउँदा ३ जनाको मृत्यु भएको छ । प्रहरीका अनुसार बसेडीका रामी पार्कीको घर पहिरोले बगाउँदा उनका २ बुहारी र १ नातिको मृत्यु भएको हो ।

प्रदेश प्रहरी कार्यालयले दिएको जानकारी अनुसार मृत्यु हुनेमा १८ वर्षीया पवित्रा पार्की, २४ वर्षीया भानु पार्की र ३ वर्षीय नाती सोम पार्की रहेको जनाएको छ । प्रहरीले घटनास्थलबाट तीन जनाकै शव निकालेको छ ।