बाढी पहिरोले जयपृथ्वी राजमार्ग अवरुद्ध

फाइल फोटो

कैलाली - आइतबार साँझदेखि परेको अविरल वर्षाका कारण बझाङ जोड्ने जय पृथ्वी राजमार्ग अवरुद्ध भएको छ । लगातारको वर्षाका कारण केदारस्युँ गाउँपालिका–१ नारु गौडामा आएको बाढी र सडक माथिबाट खसेको पहिरोका कारण राजमार्ग अवरुद्ध बनेको हो । 

अवरुद्ध राजमार्ग खुलाउने प्रयास भइरहे पनि वर्षाका कारण नारु गौडामा पानीको बहाव नघटेकाले काम प्रभावित भएको बझाङका प्रमुख जिल्ला अधिकारी मोहनराज अधिकारीले बताए । राजमार्ग अवरुद्ध हुँदा बझाङ भित्रिने र बाहिरीने सवारी साधन र यात्रुहरू बिच बाटोमै अलपत्र परेका छन् ।