प्रधानमन्त्रीले स्थगित गरे संवैधानिक परिषद् बैठक

फाइल तस्बिर

काठमाडौँ : प्रधानमन्त्री केपी शर्मा ओलीले संवैधानिक परिषदको बैठक स्थागित गरेका छन् । चौतर्फी दबाब थेग्‍न नसकेपछि ओलीले बैठक स्थागित गरेका हुन् । बिहानमात्रै बिहीबार साँझ परिषद् बैठक बोलाएका थिए । 

विद्यमान कानुनलाई चुनौती दिंदै मौखिक रूपमा बोलाएको बैठकमा सभामुख अग्‍निप्रसाद सापकोटा  र प्रमुख प्रतिपक्ष दलका नेता शेरबहादुर देउवाले उपस्थित हुन नसक्ने जानकारी गराएका थिए । त्यसपछि बैठकको बारेमा प्रधानन्यायाधीश चोलेन्द्र शमशेर जबरासँग ओलीले छलफल गरेका थिए । जबराले पनि कानुनी प्रश्‍न उठाएपछि प्रधानमन्त्री ओलीले बैठक स्थगित गरेको बालुवाटार स्रोतले नै बतायो ।

दलभित्रको खिचातानी, चौतर्फी दबाब, कानुनी राज्यको उपहाससँगै प्रधानमन्त्री ओलीले परिषद्को बैठक स्थगित गर्ने तहमा पुगेका हुन् । उनले परिषदको बैठक अध्यादेश अनुसार बोलाएका थिए । सत्तारुढ नेकपाको बुधबार बसेको स्थायी समितिमा अध्यादेश फिर्ता गर्ने सहमति बनेको थियो । सहमति भएको १२ घण्टा नहुँदै उल्टाएको भन्दै पार्टीबाट ओलीको आलोचनासमेत भएको थियो । 

र यो पनि​

सहमति लत्याउँदै प्रधानमन्त्रीले बोलाए संवैधानिक परिषद्‍ बैठक

- संवैधानिक परिषद् बैठकमा देउवा नजाने

- प्रधानमन्त्रीले संविधानलाई ुगुच्चाु बनाए