सुदूरपश्चिममा कोभिड संक्रमित हुनेभन्दा संक्रमणमुक्त हुने दोब्बर

कैलाली – सुदूरपश्चिम प्रदेशमा आइतबार कोभिड संक्रमण हुनेभन्दा संक्रमणमुक्त हुनेको संख्या दोब्बर रहेका छन् । पछिल्लो २४ घण्टामा प्रदेशभर १५ जनामा संक्रमण पुष्टि हुँदा २९ जना संक्रमणमुक्त भएको स्वास्थ्य निर्देशनालयले जनाएको छ ।  

पीसीआर र एन्टिजेन विधिबाट एक हजार ५ सय ७० जनाको नमूना परीक्षण गर्दा १५ जनामा  संक्रमण पुष्टि भएको हो । पाँच जनामा आरटी पीसीआर र १० जनामा एन्टिजेन विधिमार्फत गरिएको परीक्षणमा संक्रमण देखिएको हो । 

पीसीआर विधिमार्फत महाकाली अस्पतालमा तीन र डडेल्धुरा अस्पतालमा दुई जनामा संक्रमण पुष्टि भएको हो । एन्टिजेन विधिमार्फत कञ्चनपुरमा छ, कैलाली र बैतडीका दुई÷दुई  जनामा संक्रमण पुष्टि भएको छ । यस्तै गएको २४ घण्टामा यस प्रदेशमा संक्रमणका कारण एक जनाको  मृत्यु भएको छ । मृत्यु हुनेमा डडेल्धुराका ७० वर्षीय पुरुष रहेका छन् ।