वायु सेवा निगम १० वर्षमा ५.३० करोड नाफामा जाने

काठमाडौं : नेपाल वायु सेवा निगमका महाप्रबन्धक प्रकाश पौडेलले चार वर्षपछि निगम नाफामा जाने एकिकृत व्यावसायिक योजना प्रतिवेदन पेश गरेका छन् । योजनामा निगम सुरुका तीन वर्ष नोक्सानै रहपनि सन् २०२४ वाट नाफामा जाने प्रक्षेपण छ । सन् २०३० मा ५ अर्व ३० करोड मुनाफा हुने प्रतिवेदनमा उल्लेख छ ।
महाप्रबन्धक प्रकाश पौडेलले निगमको १० वर्षे उनले संस्कृति, पर्यटन तथा नागरिक उड्डयन मन्त्री योगेश भट्टराईसमक्ष यो प्रतिवेदन बुझाएका हुन् । 

निगमका महाप्रवन्धक पौडेलले सन् २०२१ देखि २०३० सम्मको व्यवसायिक योजनाबारे प्रस्तुती दिएका थिए । कार्ययोजना अनुसार अघि बढ्दा सन् २०२१ मा बार्षिक २३ अर्व ७६ करोड खर्च हुने र प्रत्येक वर्ष ९ प्रतिशतले खर्च वृध्द हुने प्रक्षेपण गरिएको छ । 

निगमले सो योजना अनुसार २०२४ बाट नाफामा जानका लागि  अन्तर्राष्ट्रिय उडानतर्फ  सिड्नी, कोलम्बो, संघाई, इन्डोनेसिया, रियादलगायत ८ नयाँ गन्तव्य थप्‍नुपर्ने भन्दै ती नयाँ गन्तव्यमा सेवा दिन  न्यारो वडी ४ वटा र वाइड बडी २ वटा गरि ६ जहाज आवश्यक पर्ने जनाएको छ । त्यस्तै, आन्तरिक उडानतर्फको सुधारका लागि पनि काठमाडौं, नेपालगञ्‍ज, पोखरा र विराटनगरलाइ पहाडी क्षेत्र उडानको मुख्य आधार बनाएर उडान गर्नुपर्ने प्रतिवेदनमा उल्लेख छ ।

चुहावट नियन्त्रणमा कडाइ गर : पर्यटन मन्त्री
सुशासन र चुहावट नियन्त्रणलाई कडाइका साथ पालना गराउन नेपाल वायुसेवा निगमको नेतृत्वलाई निर्देशन दिएका छन् । निगमले तयार पारेको बुझ्दै मन्त्री भट्टराईले त्यहाँभित्रको सुशासन र चुहावट नियन्त्रणजस्ता काम भएका सरकारले राष्ट्रिय ध्वजावाहक हुनुको नाताले निगमलाई सहुलियत प्रदान गर्ने बताए । 

१० वर्षे एकिकृत व्यावसायिक योजनाले निगम कुन बाटोमा हिड्ने भन्‍ने राजमार्ग तयार भएको उल्लेख गरे । उनले उक्त राजमार्गबाट दायाँबाँया नगरि अहिले घाटामा रहेको निगमलाई व्यवसायिकरुपमा सफल बनाउनु पर्ने बताए । 

नेपाल सरकारको १५ औं पंचवर्षीय योजना, सरकारको नीति तथा कार्यक्रम, हवाई नीति २०६३, संस्कृति, पर्यटन तथा नागरिक उड्डयन मन्त्रालयको प्रतिवेदन, सुधार सुझाव समितिको सिफारिस र विगतमा तयार भएका व्यवसायिक योजनाको पुनरावलोकनलाई आधार बनाएर यो व्यावसायिक योजना तयार पारिएको महाप्रवन्धक पौडेलले बताए । योजना प्रतिवेदनमा निगमको वित्तिय अवस्था, बजार विश्लेषण, कोभिड-१० ले निगममा पारेको असर, नेपाल सरकारबाट गरिएको अपेक्षालगायतका विषयवस्तुलाई सुक्षमरुपमा उल्लेख गरिएको छ ।