४० प्रतिशत अमेरिकन रोबोटसँग 'शारीरिक सम्पर्क' राख्‍न चाहान्छन् !

फाइल तस्बिर

काठमाडौँ - हालै अमेरिकामा १२ सय जनामा गरिएको सर्वेक्षणमा ४० प्रतिशतले रोबोटसँग शारीरिक सम्पर्क राख्न चाहेको बताएका छन्। इन्टरप्राइज च्याटबट टिडियोले ‘उपभोक्तासँग कुराकानी गर्ने राम्रो उपाय’  नारा दिएको यो अध्ययनमा १२ सय जनाले भविष्यका बारेमा आफ्ना धारणा व्यक्त गरेका थिए । सहभागिमध्ये ४० प्रतिशतले आफू भविष्यमा एआई रोबोटस‌ँग सेक्स गर्न चाहेको विचार व्यक्त गरे । 

४० प्रतिशतको रोबोटसँग शारीरिक सम्पर्क राख्ने विचार, सबै पुरुष
सहभागी १२ सय मध्ये ४० प्रतिशतले रोबोटसँग आफू यौन चाहाना राख्ने इच्छा व्यक्त गरे । एआई हाल अझै परिस्कृत हुँदै गएको छ । भविष्यमा गएर आफूहरू एआईसँग यौन सम्बन्ध राख्न चाहेको कुरा उल्लेख गरे । यस्‍तो चाहाना व्यक्‍त गर्ने उनीहरू सबै पुरुष हुन् ।

एआईसँग जागिरको डर

केही समयअघि अमेरिकी एक कम्पनी बोस्टन डाइना मिक्सले नाच्दै गरेको रोबोटहरूको भिडियो सार्वजिनक गरेको थियो । कतिपयले यसमा विश्वास गरेका थिएनन्। केहीलाई भने यस रोबोटसँगै आफ्नो भविष्यको चिन्ता थियो ।

सहभागीमध्ये धेरैले भविष्यमा गएर एआईले मानिसको स्थान लिन सक्ने भन्दै चिन्ता व्यक्त गरे । यस सर्वेक्षणमा सहभागी ६९ प्रतिशतले भविष्यमा मानिसको काममा एआई हावी हुनसक्ने भन्दै चिन्ता व्यक्त गरे ।