सरकारको विरोधमा नेविसंघले निकाल्यो सिटी  जुलुस

काठमाडौँ : प्रमुख प्रतिपक्ष दल नेपाली कांग्रेसको भातृ संगठनले सरकारको गतिविधीको विरोधमा काठमाडौंमा सिटी जुलुस निकालेको छ । नेविसंघले आइतबार काठमाडौंको त्रिचन्द्र क्याम्पसअगाडी सरकारको गतिविधीको विरोधमा सिटी जुलुस निकालेको हो । 

पार्टीका वरिष्ठ नेता रामचन्द्र पौडेलमाथि तनहुँमा भएको दुर्व्यवहार तथा सरकारको गतिविधि जनता केन्द्रित नभएको भन्दै विरोध गरिएको नेविसंघले जनाएको छ । त्यस्तै कोरोना रोकथाम, नियन्त्रण र उपचारमा सरकार गम्भीर नभएको, भ्रष्टचार बढ्दै गएको, सरकार सर्वसत्तावादतर्फ उन्मुख भएको मा सिटी जुलुस सहभागीहरूको भनाइ छ । नेविसंघका अध्यक्ष राजिव ढुङ्गानाले जनताले दिएको दुई तिहाई मतलाई नेकपाले दुरुपयोग गरेको र जनताका लागि केहि पनि गर्न नसकेको भन्दै विरोध स्वरुप सिटी जुलुस निकालिएको बताए । 

त्यस्तै नेविसंघका महामन्त्री मनोज बैद्यले सरकारको गतिविधी लोकतन्त्र विरोधी भएकाले विरोध गरिएको बताए । अवका दिनमा सरकार नसच्चिए कडा आन्दोलन गर्ने उनको भनाइ छ । 

सरकारको गतिविधिको विरोधमा कांग्रेसले सोमबार देशव्यापी प्रदर्शन गर्दैछ ।