उखु किसानलाई जनता समाजवादीको साथ

काठमाडौं : भुक्तानी नपाएर आन्दोलन गर्न काठमाडौं आएका उखु किसानको मागलाई जनता समाजवादी पार्टी नेपालले ऐक्यबद्धता जनाएको छ । आइतबार एक विज्ञप्ति जारी गर्दै उक्त पार्टीले आन्दोलनमा ऐक्यबद्धता जनाएको हो । आन्दोलनरत किसानका जायज माग अविलम्ब सम्बोधन गरी पूरुा गर्न सरकारसँग माग गरेको छ । 

साथै समान विचार र दृष्टिकोण रहेका पार्टी र समूहसँग एकता गर्न पार्टीले समिति नै गठन गरेको छ । त्यसका लागि केन्द्रीय कार्यकारिणी समितिका सदस्यहरू हेमराज राई, नवराज सुवेदी र केशव झालाई जिम्मेवारी दिएको हो ।