वीपी स्वास्थ्य विज्ञान प्रतिष्‍ठानको वार्षिकोत्सव 'शुद्धिकरण अभियान'ले विभिन्‍न कार्यक्रम गरी मनाउने

फाइल तस्बिर

काठमाडौँ- वीपी कोइराला स्वास्थ्य विज्ञान प्रतिष्‍ठानको २८औ वार्षिकोत्सवमा अवसरमा वीपी कोइराला स्वास्थ्य विज्ञान प्रतिष्ठान 'शुद्धिकरण अभियान' ले विभिन्‍न कार्यक्रम गरी मनाउने भएको छ । आगामी शनिबारदेखि प्रतिष्ठानमा सरसफाई तथा कविता प्रतियोगिता हुने भएको हो ।

बक्तृत्त्वकला प्रतियोगिता, फोटो प्रदर्शनी, मिनी म्याराथान, वीपी कोइरालाको शालिकमा माल्यापर्ण गर्ने, झण्डातोलन र सम्मान तथा पुरस्कार वितरण गर्ने कार्यक्रम गरेको शुद्धिकरण अभियानले जानकारी दिएको छ ।

अभियानले प्रतिष्‍ठानमा भएका भ्रष्ट्रचार तथा अनियमितताको विरुद्धमा आवाज उठाउँदै आइरहेको छ ।  शुद्धिकरण अभियानले प्रतिष्‍ठानका उच्च पदाधिकारीले गरेको काम कारबाहीलाई लिएर सचेतसमेत गराउँदै आएका छन् ।