मेसुमाथि दुर्व्यवहार घटनाः उपचार छोडेर स्वास्थ्यकर्मी आन्दोलनमा

बुटवल - दाङको तुलसीपुरमा स्वास्थ्यकर्मी आन्दोलनमा उत्रिएका छ्न । राप्ती प्रादेशिक अस्पताल तुल्सीपुरका मेसु डा. विनोद सिंहलाई कार्यकक्षमा प्रवेशगरी नेकपा एमाले निकट अनेरास्ववियुका जिल्ला अध्यक्ष सर्जन परियारलगायतले कालो मोसो दलेपछि उनीहरू सडक आन्दोलनमा उत्रिएका हुन् । उक्त घटनाको वसरोधमा सडक आन्दोलनमा उत्रनुपरेको चिकित्सक डा ओम अर्यालले बताए ।

भादौ ११ गते दिउँसो साढे १ बजेतिर भएको उक्त घटना ३ दिन पुगिसक्दा पनि सलग्न ब्यक्ति पक्राउ नपर्नु र स्वास्थकर्मीले असुरक्षित महसुस गरिरहनुले पनि आन्दोलनको बाटो रोज्नु परेको उनले बताए । स्वास्थकर्मीको विरोध र्‍यालीले बजार परिक्रममागरी पुन अस्पताल परिसरमा पुगि विरोध सभा गरेको थियो । दोषीलाई कारबाही नहुदाँसम्म आन्दोलन जारी राख्ने उनीहरूको भनाइ छ ।