पहिले दिनकै साढे तीन लाख, अहिले एक सातामा ४ लाख ७८ हजार

काठमाडौँ– कोभिड–१९ विरुद्धको खोप लगाउने दर यो साता उल्लेख्य घटेको छ । यो साता साउन ३१ देखि भदौ ४ सम्म जम्मा ४ लाख ७८ हजार चार जनाले मात्र खोप लगाएका छन् । 

अघिल्ला साताहरूमा उल्लेख्य खोप वितरण भएको थियो । अघिल्लो साता शुक्रबार एकै दिन तीन लाख ६७ हजार तीन सय ४१ ले कोभिड–१९ विरुद्धको खोप लगाएका थिए । 

प्रधानमन्त्री शेरबहादुर देउवाको सचिवालयले देउवा प्रधानमन्त्री भएयता पाँच सातामा ४८ लाख ११ हजार ७ सय ३३ जनाले कोरोना विरुद्धको खोप लगाएको जनाएको छ । यद्यपि यो संख्या एक महिना (३० दिनमै) ४३ लाख ३३ हजार ७ सय २९ पुगिसकेको थियो ।