३२७४ जनामा संक्रमण, २७ को मृत्यु

काठमाडौँ - पछिल्लो २४ घण्टामा थप ३ हजार २ सय ७४ जनामा कोभिड-१९  संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभर गरिएको ११ हजार ५६५ पिसिआर परिक्षणमा २ हजार ४ सय ५६ र ६ हजार १ सय २४ एन्टीजेन परिक्षणमा ८१८ जनामा संक्रमण पुष्टि भएको हो । योसँगै नेपालमा संक्रमितको संख्या ८ लाख १४ हजार १२७ पुगेको छ । 

त्यस्तै कोभिड संक्रमणबाट थप २७ जनाको मृत्यु भएको छ । योसँगै नेपालमा संक्रमणका कारण १० हजार ३५४ जनाको मृत्यु भएको छ । 

पछिल्लो २४ घण्टामा थप १ हजार ९ सय २९ जना संक्रमणमुक्त भएका छन् । अहिलेसम्म नेपालमा ६ लाख ८७ हजार ६९ जना संक्रमणमुक्त भएका छन् । 

हालसम्म नेपालमा ३७ लाख ७९ हाजर २३० वटा पीसीआर र ४ लाख ७ हजार ४ सय ९५ वटा एन्टीजेन गरिएको स्वास्थ्य तथा जनसंख्या मन्त्रालयले जनाएको छ ।