खाली कागजमा हस्ताक्षर गरेर फर्किँदै सांसदहरू, २ बजेसम्म हस्ताक्षर गरिसक्न निर्देशन

काठमाडौँ- उपसभामुख इन्दिरा रानामगरलाई पदबाट हटाउन सत्तारुढ दल नेपाली कांग्रेस र एमालेले सांसदहरूको हस्ताक्षर संकलन गरिरहेका छन् ।

सिंहदरबाटस्थित संसदीय दलको कार्यालयमा बोलाएर एमाले-कांग्रेसका सांसदहरूलाई हस्ताक्षर गराएका हुन् ।

मंगलबार बिहान १० बजेदेखि दलको कार्यालयमा गएर सांसदहरूले हस्ताक्षर गरिरहेका छन् ।

सांसदहरूलाई खाली कागजमा हस्ताक्षर गराइएको एक सांसदले बताए । उनका अनुसार दुवै दलले २ बजेभित्र हस्ताक्षर गरिसक्न भनेको छ । अहिले धमाधम खाली कागजमा हस्ताक्षर गरेर सांसदहरू फर्किरहेका छन् ।